Kan sorkar leh i ringngam ang u - K Laldawngliana

Tuirial bial MLA by-election neih zawh taka thlan tlin MNF candidate K Laldawngliana chuan a bial chhung khaw hrang hrang tlawh kualin, an party mite chu kum 2023-ah MNF chu Pathianin Mizoram kaihruai turin thuneihna a pe leh ngei ngei ang tih ring ngam turin a chah.

K Laldawngliana chuan MNF hotute, Chief Minister, minister leh MLA-te chu Pathian rawn chung zela ram kaihruai ṭhin nia sawiin, "Chapo ve lo, inngaitlawm leh Mizo taka nunze pu mi an ni. Opposition party leh media hrang hrang aṭangin kan hotute hi sawiselin beihna awm ṭhin mah se, Pathian leh mipui zarah kum 2023-ah kan sorkar leh ngei i ringngam ang u," a ti.