Ramria hmalakna tihtàwp sawifiah phût

ZPM ṭhalaite chuan, ramria hmalakna tihtawp chungchang chiang taka sawifiah turin Mizoram sorkar an phût a, ramri chungchangah thu zûk lo turin an ngen bawk.

Mizoram sorkarin ramria hmalakna kal mekte titawp tura a kaihhnawih department-te a hriattîr chhan sawifiah tura Mizoram sorkar phûtin ZPM Ṭhalai chuan, "Ramri buaina chungchanga kan inlungrualna, a bik takin ramri hrûla Mizo mipuite'n thâ leh zung an lo sèn tawh zozáite kha a thlàwn maia luan raltîr kan phal lo. Hmalâkna kal mekte titawp tura a chhan leh a vang mumal taka sawifiah loa sorkarin thupek a siam hi ramri-a flag vár tàr nen thuhmun rengah kan ngai," an ti.

ZPM ṭhalaite chuan, "Mizoram sorkar hi ramri chungchangah flag vár tár mai lo a, a thutlukna lo siam tawh BEFR 1875 ramri-ah nghet taka ding turin kan chah a, Mizoram sorkarin BEFR 1875 chauh ramri-ah a pawm thu cabinet meeting meuhin a pawm tawh kawngah ZPM Ṭhalai chuan Mizoram sorkar kan thlawp tlat," an ti a, Mizoram sorkar chu a thu zûk mai lo turin an ngèn a ni.