Covid-19 vangin 457 thi tawh

Nimin khan tlai dar 5 thlengin Covid-19 vangin mi pakhat a thi. IDSP tarlan danin, nimin tlai dar 5 thlengin Mizoramah Covid-19 vangin mi 457 an thi tawh a, November thla bikah mi 25 an thi tawh.

Covid-19 vei enkawl lai Jiten Murmu (75), Zarkawt chu nimin chawhnu dar 2 khan State Refferal Hospital-ah a thi. Sorkar thuchhuah tarlan danin, Jiten Murmu hi Covid-19 positive a ni tih October 17, 2021 khan hmuh chhuah niin SRH-ZMC-ah dah luh nghal a ni a, natna dang nei tel a ni.