Inland Waterways Authority hotute kâwm

Transport minister TJ Lalnuntluanga chuan nimin khan Khawthlangtuipui leh Tuichawng lui hman ṭangkai a nih theihna tura site inspection nei tura rawn zin Inland Waterways Authority of India (IWAI) director A Selvakumar leh a hote a pisaah a kâwm a, Mizorama lui awmte hman ṭangkai dan tur an sawiho.

IWAI hotute chuan, Mizorama lui liante mipuiin an hman ṭangkai theih turin sorkar hmalakna a theih ang anga ṭawiawm an inhuam thu an sawi a, "Khawthlangtuipui leh Tuichawng lui hmang ṭangkai tura DPR siam chu Ministry of Shipping-in a pawm tawh a, tender tihfel vat kan beisei," an ti.

IWAI hotute hian Tlawng lui an en nghal a, Declared National Waterway 102 a nih angin Mizoram sorkarin ruahmanna a siamte an bawhzui reng thu an sawi a ni.