A huhoa zai la him loah ngai

Puipunna chu inchhung lamah hman a nih chuan a rei lo thei ang ber hman nise an duhthu sawiin meeting chuan, "Mithiamte chuan minute 30 pel lo se an duh. Puipunna hmunte hi a thengthaw thei ang bera buatsaih a ṭul," an ti.

Meeting-a tarlan a nih danin, Mizoramah nitina Covid-19 vei hmuhchhuah zat an tlahniam anga a lan rualin positivity rate erawh a la hniam chuang lo a, hei hian inthlahdah thei kan la ni lo tih a entir a, inven fimkhur kawngah ṭan kan lak mar ṭhat a la ṭul hle tih a tilang.

WHO tehfungah warning level 1 aṭanga 4 a awm a, Mizoram district tinte chu a sang ber warning level 4-ah an la awm vek a ni. Heivang hian puipunnaah zalen lutuk thei a la ni lo.

Covid-19 hripui inkaidarh lo tura inzirtirna pakhat 'All Mask Campaign' chuan awmzia a nei hle tih tarlangin meeting chuan, December 31, 2021 thleng hman chhunzawm an rel.