AR-in Lalbiakthanga an lawmpui

Assam Rifles 23 Sector, Aizawl chuan November 13, Inrinni khan an hmun­ah tun hnaia Padma Shri dawngtu Lalbiakthanga Pachuau lawmpuina an hlân.

Assam Rifles thu­chhuah chuan, kum 94 mi Lalbiakthanga Pachuau chu British Indian Army hnuaia Assam Regiment-a awm ṭhin, khawvel indopui pahnihna lai, kum 1945-a huaisen taka tuna Myanmar rama Japan sipaite dotu a nih thu a tarlang a; sipai aṭanga a chawlh hnuah chanchinbumi a ni zui tih tarlangin, a hnathawhte chu an chhuan thu an tarlang.

Lalbiakthanga Pachuau chuan, Assam Rifles-in chawimawina leh lawmpuina an hlan chu a lawm thu leh a ngaihhlut thu a sawi.

Lawmpuina inkhawm­ah hian MJA president Zonunsanga Khiangte hoin MJA member eng emaw zat an tel a ni.