Assam Rifles hotu leh a chhungte Hel hoin Manipur-ah an kâp hlum
November 13, Inrinni khan 46 Assam Rifle commandant Col. Viplav Tripathi leh a hote chu hel hoin Manipur-ah an lambun a, Col. Tripathi, a nupui, a fapa leh Assam Rifles sipai pali an thi.
Col. Viplav Tripathi leh amah zuitute hi Assam Rifle-te'n vantlang tana thil ṭha tihna puala inkhawm Imphal aṭanga km. 120 vela hla Behiang khuaa an kal an haw lam chu Sehkan khua, Churachandpur district-a an tlan laiin hel hoin bomb (IED) hmanga an beih hnuah an kâp zui a ni.
46 Assam Rifle commandant Col. Viplav Tripathi hi Aizawlah hun eng emaw chen a awm a, kumin July thla khan Aizawl aṭangin Manipur-ah an battalion pumin an insawn a ni.