Sakhuana avanga Covid-19 vaccine La duh lo Champhai dist.-ah an tam

Mizoram sorkar chuan Covid-19 laka invenna damdawi (vaccine) pek a kalpui mek zel a, hetih lai hian Champhai district-ah chuan sakhuana thil vanga la duh lo mi eng emaw zat an awm.

Champhai district-ah hian Covid-19 vaccine la thei tur zat aṭanga chhûtin 85.01%-in an la tawh. Vaccine la thei tur mi 42,909 an awm anga chhût a ni a, chu'ng zinga mi 36,477 chuan dose khatna an la tawh. Dose hnihna la tawh mi 31,911 an awm a, 74.36% a ni.

Hetih lai hian, Covid-19 vaccine la duh lo mi 2,108 (4.91%) an awm a, chu'ng zinga a tam zawk chu sakhuana thil vanga la duh lo an ni. Ṭhenkhat chu inchiu hlauh vang a ni bawk a, mi 199 chu dose khatna la tawh, dose hnihna la chhunzawm ngam tawh lote an ni thung.