DC-in FOCUS hmalakna a tlawh

Khawzawl district bawrhsap CC Lalchhuangkima chuan Chawngtlai khuaa FOCUS hmalaknate a tlawh a, khawtlang hruaitute nen kum 2022-a hmalakna tur an thlirho nghal.

FOCUS hnuaiah hian kum 2022 aṭangin ram nei lo chhungkaw 120 vel hmalakna turin Chawngtlai khua chuan hnuaiah terrace siam tum a ni a, he lai hmun tlawhpawh nan hian km. 5-a thui kawng (link road) laih a ni ang. Project hmang hian thingtlanga lo neia eizawng mekte chu an tih dan bànsan a, lo nghet hmanga eizawnna neihtir tum a ni.

FOCUS district project manager Lalnunpuii Parte tarlan danin, hmalakna huam chhungah hian sangha dil - community fish pond leh individual fish pond, community water tank, individual water tank, grazing ground leh waiting shed cum storage shed-te siam tum a ni bawk.