Minister-in C Kamlova lawmpuina hlân

Thu leh hla (literature) lama a thawhhlawk avanga India civil mite chawimawina sang Padma Shri award dawngtu C Kamlova chu nimin khan Agriculture minister C Lalrinsanga'n a pisaah lawmpuina a hlân.

C Lalrinsanga chuan, C Kamlova’n Padma Shri a dawnna chu a danglam bik riaua a hriat thu sawiin, "Hindi lam­ah a thiamna te, thu leh hlaa a kutchhuakte hi a chhuanawmin a ropui a, Zo fate zingah chuan Hindi lama kan mi chhuanvawr a ni," a ti a; Hindi-a Mizo history a ziahte chu India ram hmun dang Hindi hman tamna­ahte Mizo chanchin thehdarna kawnga hman­raw pawimawh tak a nih thu a sawi.

He hunah hian Agri­culture Development Board vice chairman H Biakzaua, MLA, Agri­culture secretary J Hming­thanmawia, Cooperative Societies registrar Lal­rinsanga leh MJA hruaitu­te an tel a ni.