Rs 81,750 man silai lem man tawh

Aizawl district-a police-te chuan tun hnaiah silai lem, a mu kap chhuak thei eng emaw zat an man a, a vaiin Rs 81,750 man niin, a zuartute lakah Aizawl Police Station-ah thubuai ziah luh a ni.

Thu dawn danin, police-te chuan nimin khan LHA Store aṭangin silai lem - M-16 24, pistol 12 leh a mu báwm 96 an man a, a vaiin Rs 67,000 man a ni a; a zuartu Lalṭhazuali, Armed Veng chu thubuai an siamsak.

November 11, 2021 khan NSK Toys dawr aṭangin silai lem - sniper gun pahnih, AK-47 paruk leh shot gun pahnih an man a, a vaiin Rs 4,000 man a ni a, dawr neitu Lalthanpuia, Dawrpui chu thubuai siamsak a ni. November 12, 2021 pawh khan ABC Lane-a BS Store aṭangin silai lem - spy gun panga, AK- 47 33 leh a mu báwm 86 an man bawk a, a vaiin Rs 10,750 man a ni a, dawr neitu David Lalnunzira, Armed Veng lakah thubuai ziah luh a ni bawk.