Cabinet-in buhfai man tihto an pawm lo ; Lunglei Municipal Council din an remti

Nimina chief minister Zoramthanga hoa Chief Minister's Office-a Council of Minister ṭhukhawm chuan, buhfai man tihto rawtna an pawm lo a, Lunglei Municipal Council din rawtna an pawm thung.

Food, Civil Supplies & Consumer Affairs (FCSCA) department chuan Non-National Food Security Act-te tana kudama buhfai leina man quintal khatah Rs 1,450 chu Rs 2,250-ah tihpun an rawt a, retailer commission quintal khatah Rs. 50 chu Rs. 100-ah tihsan an rawt bawk a; hengte hi Cabinet meeting chuan a pawm lo.

UDPA department aṭanga rawtna lut, Lunglei Municipal Council din rawtna chu sawiho a nih hnuah pawm a ni. Lunglei Municipal Council din rawtna hi April 6, 2021 khan Council of Minister ṭhutkhawm ngaihtuah tura tih ni mah se, ṭhutkhawm hmain hnuh kîr a ni a, siamṭhat ngaite siamṭhat a nih hnuah nimin khan chhawp chhuah leh a ni.