Covid-19 vangin mi 467 thi tawh

Nimin khan tlai dar 5 thlengin Covid-19 vanga thi mi pakhat a awm a, November 15, Thawhṭannia thi sorkarin a tarlan mi pahnih an awm bawk. Nimin tlai dar 5 thlengin Mizoramah Covid-19 vangin mi 467 an thi tawh a, November thla bikah mi 35 an thi tawh.

November 15, Thawhṭanni tlai dar 4 khan K Thangdawla (93), Saron Veng, Aizawl chu an inah a thi. Covid-19 vei a ni tih November 15 khan finfiah niin, an inah enkawl a ni a, natna dang nei tel a ni. Thawhṭanni vêk zan dar 10:40 khan PC Raltawna (78), Ramhlun Venglai chu State Refferal Hospital-ah a thi a; hripui vei a ni tih November 3 khan hmuh chhuah niin, SRH-ah dah luh nghal a ni tih sorkar thuchhuakin a tarlang.

Nimin zing dar 6:10 khan B Lalengliana (95), Champhai Zion Veng chu Champhai District Hospital-ah a thi a; Covid-19 positive a ni tih October 26, 2021 khan hmuh chhuah a ni. Henry Lalawmpuia (35), Hunthar Veng pawh nimin tlai dar 3:20 khan SRH-ah a thi a, hripui vei a ni tih October 30-ah hmuh a ni.