CBI chhuitir ngei phût

ZPM Ṭhalai chuan thuchhuah siamin, Sakawrhmuituai tlanga skywalk siam leh Chaltlang-Durtlang inkara ropeway siamnaa cheng nuai sang chuang hman dana thil fel lo awm nia lang chu Central Bureau of Investigation (CBI) chhuitir ngei ni se an duh thu an tarlang.

ZPM ṭhalaite chuan, Sakawrhmuituai tlánga skywalk siam turah hna thawh hnuhma awm mang si loa cheng nuai 287.25 sèn a ni leh Chaltlang-Durtlang ropeway siamna tura hna thawh awm mang loa cheng nuai 1317.80 hman danah thil fel lo a awm ngeia an hriat thu an sawi a, "A mawhphurtu awm zawng zawng, contractor leh sorkara mawhphurtute laka na taka action lak a nih theih nan a chhuitu tur CBI ko lut ngei turin MNF sorkar kan phût a ni," an ti.