ZPM vice president Rev. Dr K Thanzauva

Ṭangrual pawl Zoram peoples' Movement (ZPM) Steering Commi­ttee chuan Rev.Dr K Thanzauva chu an vice chairman atan leh Caucus member atan an ruat thar a; ZPM Southern headquarters, Lunglei lamah mawh a phur ang.

Rev.Dr K Thanzauva chuan, politician-te'n Pathian ṭihna tak tak nen hna thawk ṭhin se a duh thu a sawi a, “Hmun hrang hrangah mipuiin ZPM-ah beiseina sang tak an nei mek a, kan policy tihlawhtling turin pên chhuah a ngai. Ram tana ro tling siam turin kan inlung­rual ka ring tlat a ni," a ti.

Zirna leh thiamna aiin sum leh pai dah pawi­mawhna a lian ta chu pawi a tih thu sawiin K Thanzauva chuan, "Kalphung thar sorkar hmangin Mizote theihna hâi chhuah a ṭul a ni," a ti a; ram hruaitute'n ṭhalaite thiamna leh theihna an hman thiam a, an dah pawimawh thiam a ṭul thu a sawi bawk.

Hetih lai hian, ZPM ṭhalaite chuan thuchhuah siamin, Lunglei Civil Hospital-ah leh district hospital hrang hrangah doctor an indaih lo hle niin an tarlang a, "Mizoram sorkar hian district hos­pital hrang hranga dam­lote dinhmun leh mamawhnate zirchiang chungin, a rang thei ang berin doctor-te awmna siamrem thuai tûrin kan phût a ni," an ti.