Ex-servicemen-te'n kawng an zawh
Mizoram Ex-Services League chuan sorkara an thil phût tihhlawh-tlinna phûtin nimin khan Aizawlah kawng an zawh.
Mizoram Ex-Services League-te hian chawhma dar 11-ah Zarkawt Traffic Point-ah kawng an zawh ṭan a, Vanapa Hall kawta inkhawm tawi an buatsaih hnuah an titawp. Kawng zawhnaah hian ex-servicemen ngaihsak lotu sorkar báng tura an phût thu te, Mizoram Home Guards-ah Director General post siam an duh loh thu te, war veteran lawmman tihpun an phût thu te, ex-servicemen-te tana reservation tipuitling tura sorkar an phût thute leh AMC hnuaia property tax ex-servicemen-te awltir an phût thutein an au rual a ni.
Mizoram Ex-Services League-te chuan an au rualna thute chu bengkhawn a, bawhzui turin sorkar an phût a ni.