CYMA leh PWD-in MoU an ziak

Mizoram PWD leh Central YMA chuan nimin khan CMO confe­rence hall-ah kawng hrang hranga thawkho turin inremna thuthlung (MoU) an ziak.

Inremna thuthlung ziah inkhawmah hian PWD minister Lal Than­zara chuan, PWD leh CYMA-ten kawng, lei, in sak thlengin thawhhona thuthlung an ziak chu lawmawm a tih thu a sawi a, "Thawhhona avang hian kawng ṭha zawk a thlen bakah, chak taka hna thawh a nih ngei ka ring," a ti.

CYMA president Van­lalruata chuan, "Nikuma YMA Conference, Zo­tlang, Champhaia neih­ah khan agenda-ah Mizo­rama inkalpawhna kawng­pui ṭha leh changtlung zawk kan neih theih nan CYMA-in hma la rawh se tih a rawn lut a, chumi bawhzuina chuan PWD nen inremna thuthlung ziah a ni ta a ni," a ti a; ram hmasawnna atan kawng­pui ṭha neih ngei a pawimawh thu a sawi.