Sainik School chungchang sawi dun

Sainik Schools Socie­ty Inspecting Officer (G), Commodore chuan nimin khan chief minister Lal Thanhawla chu a chenna banglaah a kâwm a, Mizo­ram Sainik School thil pawimawhte an sawi dun.

Commodore G Ram­babu chuan, Mizoram sorkar hmalakna avangin Chhingchhipa Sainik School chu India rama Sainik Schools Society enkawl zirna zinga zirlai hmeichhiate luh ve theih­na hmasa ber a ni chu lawmawm a tih thu a sawi a, "Hemi entawn hian Sainik School dangah nakkum aṭangin zirlai hmeichhiate tan admission hawn ṭan tum a ni," a ti.

Chief Minister chuan, India khua leh tui nih chhung chuan Hindi thiam a pawimawh thu sawiin, "Chumi atan chuan Sainik School hi Hindi zirna ṭha tak a ni," a ti a; exposure tour an buatsaih ṭhinte chu zirlaite khaw hawi tihzautu ṭha tak nia a hriat thu a sawi.