NHM-a thawkte duhsak an rél

Mizoram State Health Society (MSHS) Executive Committee chu nimin khan Secretariat Conference Hall-ah an ṭhu a, Society chairman Lalrinliana Fanai, Health secretary-in a kaihruai. NHM hnuaia thawkte state sorkar hna lakah a remchan dan anga duhsakna pek ni se, an ti.

Meeting-ah hian agenda hrang hrang sawiho a ni a; National Health Mission (NHM) hnuaia thawktu hrang hrangte harsatna sut­kian dan turte an sawiho. 'NHM Guidelines-in a sawi angin, NHM hnuaia thawkte state sorkar hna lakah a remchan dan ang leh a theih ang anga duhsakna pek ni se,' tiin thu an dah a ni.

Hri léng a awm chánga hmalakna a chak zawk nan leh a felfai zawk nan Outbreak Emergency Purchase Board siam an rêl bawk.