Pawngsualtu kum 15 táng dawn

Naupang kumtlinglo pawngsualtu Tlanghluilova (53) s/o Siamliana, Champhai Hospital Veng chu Champhai District Court-a special judge R Vanlalena'n kum 15 chhung jail-a táng tur leh Rs. 9,000 chawi turin a hrem.

May 2015 tìr lam khan hmeichhe naupang pakhat chu Tlanghluilova hian a pawngsual ṭhin nia hriat a nih avangin, naupang nuin Champhai

Police Station-ah thubuai a thehlut a; Tlanghluilova hi Champhai Police-te chuan an man nghal a, hmeichhe naupang chu doctor enfiah turin damdawi-inah hruai nghal a ni thung.

Special Court chuan finfiahna leh thuhretute thusawi a zirchian hnuah June 14, Ningani khan thutlukna a siam a, Tlanghluilova hi kum 15 táng tur leh Rs. 9,000 chawi turin a hrem a ni.