Zirna lamah nasa lehzuala Ṭan lak a ngai - H Rohluna

Cheng nuai 83.42 senga sak Vanchengpui RMSA Secondary School chu Ningani khan School Education H Rohluna'n a hawng a, nasa lehzuala zirna lamah ṭan lak a ngaih thu a sawi.

Education Minister chuan result ṭha tak nei turin zirlaite chuan theih­tawp an chhuah a ṭul tih sawiin, "Zirna hi nasa lehzuala kan kalpuia, ṭan kan lak ngai. Sorkarin zirna hmasawnna atan theihtawpin hma a la mek zel a, kan zirtirtute leh zirlaite inpekna avang­in tunhnaia HSLC leh HSSLC result chhuakahte pawh passed percentage a that ber kum a lo ni ta zel hi a lawmawm hle," a ti.

H Rohluna chuan science leh mathematics subject bikah hma kan sawn theihna atan STAM nena ṭang tlangain science leh mathematics zirna video clip siam a nih thu sawiin, "Hei hi disc-ahte siamin naupangten an chhawr ṭangkai theih turin siam a ni," a ti a, video clip hi youtube-ah pawh upload tawh a nih thu a sawi.