Tuichang ZPM-in mak an ti

Zoram Peoples Movement (ZPM) Tuichang North Block Committee chuan thuchuah siamin, Khawzawla Congress group leh unit-te'n tun hnai khan Lalrinliana Sailo, MLA chu kum 2018 MLA inthlanpui atan Tuichang biala Congress party candidate a nih an lawm niin an tarlang a, mak an tih thu an sawi.

ZPM Tuichang North Block chuan, kumina MLA inthlanpui awm tur­ah candidate tur mi dang puan a nih hmaa Lalrinliana Sailo chauh puan a ni chu Congress party-a a dinhmun ṭhat lohzia leh Congress party-in an hmusitnaa an ngaih thu an sawi a, "MPCC President leh Vice President ten Tui­chang bialah a ding ang, ti mah se, party official candidate nih loh hlau ber a ni reng lo em ni?," an ti.

Chief minister Lal Thanhawla kaihhruai sorkarin Tuichang bial a ngaihthah nia sawiin ZPM chuan, "Bialtu MLA-in NEDP sum hmanga hnathawh a hlau zawk emaw tih khawpa ke a pên duh lote kha theih­nghilh a la hun lo niin kan hria," an ti a; chuvang chuan, Tuichang bial leh Mizoram hmasawnna turin ZPM a sorkar ngei ṭul an tih thu sawiin, ZPM-a tel zel turin mipui an sawm a ni.