NYK State Award dawn lawm

Kumina NYK State Award lawmman pakhatna dawngtu New Serchhip Bazar Branch YMA chuan nimin khan Serchhip College multipurpose hall-ah NYK State Award an dawn an lawm a, YMA sub-headquarters, Serchhip president R Sanghmingthanga'n a hmanpui.

R Sanghmingthanga chuan, YMA Day-ah mi dang tana malsawmna thlentu nih tum turin kalkhawmte a sáwm a, YMA chu ràlthlir mai lo a, a hmalak leh tih tur hrang hrangah mi ṭangkai nih tum a ṭul thu sawiin, "Hnam anga kan din­chhuah theih nan hnathawh uar ila, chîmrala kan awm loh nan intodelh ang u," a ti a; all India service leh central service-ah Mizo an luh tam theih nan zirlaite'n rilru nei tak leh hnam rilru pu chunga lehkha an zir a ṭul thu a sawi bawk.

New Serchhip Bazar Branch YMA hian NYK State Award an dawn leh YMA Day lawm nan ruai an ṭheh a ni.