Id Ul Fitr hmang

Muslim sakhaw zui-tute chuan June 16, Inrinni khan Id Ul Fitr an hmang a, zingah Mizo High School Field, MacDonald Hill-ah leh hmun dang ṭhenkhatah an ṭawngṭai.

Id Ul Fitr puala Mizo HS Field-a an ṭawng­ṭaina hi Aizawl Mosque-a imam Maulana Bilal Ahmed chuan a kaihruai a, mi 4,000 chuang telin, Mizoramah remna leh muan­na bakah hmasawnna a awm theihna tur te, khawvel ram hrang hranga remna leh muanna awm theihna turtein an ṭawngṭai rual a ni.