DC-in chhiatna thlenna hmun a tlawh

Kolasib DC Bhupesh Chaudhary chuan, tun hnaia ruahsûr nasa vanga chhiat­na thlenna hmun Zawlnuam khua chu June 15, Zirtawpni khan a tlawh a, harsatna thlenna hmuna hmalak dan a enfiah.

Bhupesh Chaudhary hian chhiatna hrang hrang thlenna hmunaahte hian Zawlnuam BDO, tlawmngai pawl hruaitute leh leh V/C-te a kâwm a, YMA hruaitute hnenah a ṭula hman tur buhfai ip khat, alu ip khat, chini leh thingpuife a pe a ni.

Zawlnuam BDO chuan chhiatna an tawh dan a sawifiah a; Kolasib DC chuan State Disaster Response Force aṭangin chhawmdawlna a theih ang anga ngaihtuahsak a nih tur thu a sawi.

Kolasib DC hian tuilianin a chîm vanga harsatna thlenna hmunahte hian hri leng laka mipuite an himna atan Zawlnuam PHC-a doctor leh thawktu dangte chu ORS leh kawṭha-lo damdawi ṭhahnem tak kawl reng turin a hriattir bawk.