Lungleia lirthei tlân dan tur

Lunglei SP Rex Zarzoliana Vanchhawng chuan, tun hnaia ruahsur kaihhnawiha lei nghet lo avangin Lungleia Saikuti Hall panna kawng dâwltu lungrem a chhiat thu leh rit phur lirtheite'n an zawh reng avangin kawngpui a tlakhniam thu a tarlang.

Lunglei hmar lam aṭanga Saikuti Hall panna (one way)-ah lirthei lian (HMV) tlân phal a nih loh thu a tarlang a; hmar lam aṭanga chhim lam pan tur HMV-te chu Bazar Veng Parallel Road aṭanga MIZOFED, Venglai bulah chhuak chhoa tlân tur a nih thu SP chuan a tarlang bawk.