Covid vaccine dose 12,47,981 pe tawh

Integrated Disease Surveillance Programme (IDSP) tarlan danin, January 16, 2021 aṭanga November 16, Thawhlehni thleng khan Mizoramah Covid-19 laka invenna damdawi vaccine dose 12,47,981 pek a ni tawh.

November 16, Thawhlehni khan Mizoramah Covid-19 vaccine dose 3,384 pek chhuah a ni a, mi 750 hnenah dose khatna leh mi 2,634 hnenah dose hnihna pek a ni. Mizorama vaccine pek tawh zawng zawng 12,47,981 zinga dose 7,07,758 chu first dose a ni a, first dose la tawh zinga mi 5,40,223-in an la kim tawh a ni.

Kumin January 16 aṭanga November 16 thleng khan Mizoram sorkarin hmun a ruahman aṭangin vaccine dose 12,43,774 pek a ni tawh a, dose khatna 7,05,583 leh full dose 5,38,191 a ni. Private facility-te'n dose khatna 2,175 leh full dose 2,032 an pe tawh bawk.

Private facility aṭangin November 16 thleng khan vaccine dose 4,207 pek a ni tawh a, Aizawl East, Aizawl West leh Serchhip district-ahte pek ṭhin a ni.