Aizawl rálmuanna atan ṭan la

Mizoram Police PRO chuan thuchhuah siamin, Aizawl khawpui a rálmuan a, sualna hrang hrangte tihtlem/ven a nih theih nan Aizawl district police-te'n chhun leh zanah veng hrang hrang an tlawh kual ṭhin thu a tarlang.

Police PRO tarlan danin, kawngpui dung leh vantlang hmunahte zu leh ruihhlo dangte ualau taka ti ṭhin te, mipui nunau, naupangte tana hmuh nuam lo khawpa khawsate vaiin an man ṭhin a; hei hi khawpui rálmuanna leh rûkrûk venna atana thil pawimawh a ni.

Police hmalaknaah mipui vantlang leh tlawm­ngai pawl hrang hrangte'n thlawpin an puih tlat thu tarlangin Police PRO chuan, "Ṭha taka thawkho zel tur pawhin kan insáwm a ni," a ti.

Poilce PRO chuan, ni­min aṭang khan Ai­zawl veng hrang hrang­ah police-te chu officer (GO)-te kaihhruainain an kal kual a, khaw­tlang hruaitute nen inhmel­hriatna leh sualna hrang hrangte do tura thawh­honate sawiho turin an feh chhuah ṭan thu a tarlang.