MLA-te'n oil palm chìnna an tlawh

Mizoram Legislative Assembly hnuai­a Subject Committee-III chuan nimin khan West Serzawl khuaa Agriculture department-in Oil Palm Seed Garden an siam an tlawh.

West Serzawl rama Agriculture department enkawl Oil Palm Seed Garden ram hi hectare 64-a zau niin, hectare 30-a zauah hmalak mek a ni a, ICAR, Andra Pradesh-te nen ṭanghoa hmalak a ni. Seed Garden hi India hmarchhaka oil palm chîng state-te'n oil palm chi ṭha an mamawhte siam chhuahna tura ruahman a ni. Tunah hian kum li a upa a ni tawh a, kum 7/8-a upa an nih hnuah India rama oil palm scientist-te'n oil palm chi siam chhuahna turin experiment an nei ṭan dawn a ni.

Subject Committee-III ah hian chairman chu R Vanlalvena a ni a, member-te chu Lalrinmawia Ralte, Dr BD Chakma, K Lalrinthanga leh Lalthanliana te an ni.