Winter Festival neih tur sawiho

Tourism secretary K Lalrinzuali hoin nimin khan a pisaah Tourism department hotute'n Winter Festival 2021 neih dan tur an sawiho a, December thla chawhma lamah buatsaih tum a ni.

Winter Festival 2021-ah hian mipui a tam thei ang ber an tel theih nan intihsiakna chi hrang hrang - cake baking, christmas decoration, traditional food court, fashion show, obstacle course, photo booth, etc huaihawt tum a ni.

Ṭhutkhawmah hian Tourism director V Lalengmawia leh organising committee member-te an tel.