HISSLAM-in khawmpui an hmang

Higher Secondary School Lecturers Association of Mizoram (HISSLAM) chuan nimin khan Dawrpui Multipurpose Hall-ah General Conference vawi 22-na an hmang a, School Education secretary Dr Lalzirmawia Chhangte in a hmanpui.

Dr Lalzirmawia chuan thil reng reng sawihona neih hian harsatnate chinfel a awlsam tih a sawi a, HISSLAM in harsatna leh hma chhawp an neihah ama zawna tih tur awmah chuan theihtawp chhuah pui zel a tum thu a sawi bawk .

He hunah hian HISSLAM member thite sunna hun hman a ni a, pension a chhuak mi pariat hnenah thlahna thilpek an hlan bawk. HISSLAM-ah hian member 465 an awm a ni.