Mizorama sample endik 13,88,277 zinga 70.99% chu RAT hmanga endik a ni

November 17, Nilai­ni khan Mizoramah Covid-19 vei mi 570 hmuh chhuah a ni a; Nilaini thleng khan Mizoramah sample 13,88,277 endik tawh niin heng zinga 9,85,648 (70.99%) chu RAT hmanga endik a ni.

Nimin khan hripui vei dam tawh mi 525 chhuahtir an ni a, Nilaini tlai dar 5 leh nimin tlai dar 5 inkarah hripui vanga thi pali an awm.

November 17, Nilainia Covid-19 vei hmuh tharte chu mipa 264 leh hmeichhia 306 an ni a; ZMC laboratory-a hmuh chhuah 53, TrueNAT hmanga hmuh 46, RAT hmanga hmuh 465 leh Fluorescent Immunoassay (FIA) hmanga hmuh paruk an ni. Nilainia sample endik 4,298 aṭangin RT-PCR hmanga endik 377 chu 8.77% chiah a ni a; RAT hmanga endik zat 3,594 chu 83.62% a tling. TrueNAT hmanga endik 6.93% leh FIA hmanga endik 0.67% a ni bawk.

IDSP record angin, Mizoramah Covid-19 vei 1,30,415 hmuh chhuah a ni tawh a, mipa 63,169 leh hmeichhia 67,246 an ni a, mipa aiin hmeichhia 4,077-in an tam zawk. Nimin tlai dar 5 thleng khan mi 1,24,857 (95.73%) chhuahtir an ni tawh a, mi 471 (0.36%) thi tawhin, enkawl mek mi 5,087 (3.90%) an awm.

District hrang hranga swab sample endikah Covid-19 positivity rate 10% chung lam district pariat a awm a, heng zinga pahnih Serchhip leh Hnahthial district chu 20% chung lam an ni. Positivity rate san berna Hnahthial district-ah positivity rate 28% a ni a, positivity rate 10% chung lam district dangte chu - Aizawl 15.94%, Lunglei 10.09%, Champhai 11.38%, Lawngtlai 15.73%, Mamit 12.07% leh Khawzawl 12.5% a ni.
Mizorama swab sample endik tawh zawng zawngah RT-PCR hmanga endik zat percentage ni tin a tlahniam hret hret zel a, RAT hmanga endik zat a pung zel thung.

November 17, 2021 thlenga swab sample endik tawh 13,88,277 aṭanga RT-PCR hmanga endik zat percentage chu 23.08 a ni a, RAT hmanga endik zat chu 70.99% a tling. Hetih lai hian, sorkar laipui chuan sample endik zawng zawng aṭanga 70% tal RT-PCR hmanga endik turin state leh union territory sorkarte a lo hriattir a ni.

Nimin khan tlai dar 5 thlengin hripui vei dam tawh mi 525 chhuahtir an ni a; Aizawl district-ah 261, Lunglei district-ah 88, Champhai district-ah 57, Kolasib district-ah 57, Hnahthial district-ah 27, Mamit district-ah 16, Khawzawl district-ah 10 leh Lawngtlai district-ah pakua an ni.