Mizorama district pangaah Adhoc municipality din dawn

Mizoram sorkar chuan district headquarter panga - Lunglei, Champhai, Ko­lasib, Serchhip leh Ma­mit district-ahte muni­cipalities lailâwk, adhoc municipalities din a tum.

Council of Minister ṭhutkhawm hnuhnung berah khan Urban De­velopment and Poverty Alleviation (UDPA) de­partment aṭanga agen­da lut, district head­quarters pangaa adhoc municipality dinna tur, 'Proposal for Esta­blishment of Adhoc Municipalities in Five Districts in the State of Mizoram' chu pawm a ni.

Thu dawn danin, adhoc municipality hi hun eng emaw chen kalpui a nih hnuah, inthlante buatsaihin municipality puitling district pangaahte hian din a ni dawn a; Siaha leh Lawngtlai erawh chu autonomous district council headquarters a nih avangin adhoc munici­pality din a ni ve dawn lo.