MURA-te'n chaw an nghei leh ṭan

Mizoram Underground Returnees Association (MURA) chuan nimin tlai aṭang khan an pisaah chaw ngheia nawrh an huaihawt leh ṭan. Chaw ngheinaah hian an member eng emaw zat an tel a ni.

Nimina MURA thuchhuah chuan, "MPCC (Congress party) leh MURA political agreement tihhlawhtlin phût nana MURA-in chaw nghei a kalpui mek laiin, MPCC resident Lal Thanhawla, chief minister leh a ho te, MPCC hotute leh ofiicial-te tiamin vawi li inbiakna kan nei tawh a. Mahse, kan demand tihhlawhtling tura inbiakna puitling a awm loh avangin tiam chin awm loa chaw nghei chhunzawm kaltlangpui

ṭha kan ti. Vawiin June 19, Thawhlehni tlai aṭangin automatic-in hunger strike kalpui a ni," a ti.

MURA hian MPCC nena inremna an ziah tihhlawhtlin phûtin June 6, 2018

aṭang khan an pisaah tiam chin awm loin chawnghei an lo ṭan tawh a; ni kaw chhung chaw an nghei hnuah MPCC political secretary to Chief Minister KVL Siamkima nena an inbiakna avangin June 15-ah chawnghei chu an titawp lailâwk a ni.

MURA thil phûtte
. MPCC & MURA agreement angin, MURA member in hmun neite in sak ṭanpuina cheng nuai 20 ?heuh sorkarin min pe rawh se.
. MPCC & MURA agreement angin, sorkar hna 4th. grade a?anga LDC thleng (MRHG telin) ram puma MURA member tu leh fate tan post 200 sorkarin min pe rawh se.
. Contract/ immediate relief MURA-te intuam hlâwm nan sorkarin min pe rawh se.
. NLUP a rang lamin ram puma MURA-te min sanction rawh se.
(Note: Pakhatna leh pahnihna hi MPCC-in tihhlawhtlin theih loa an ngaih a ni)