Sikul pakua khâr chhunzawm

Mizoram Govt. Lumpsum Grant-in-Aid Higher Secondary School Association (MIGLAHSSA)-in adhoc din­hmuna hlankai phûta sorkar kara June 18, Thawhṭanni aṭanga sikul an khâr chu nimin pawh khan an chhunzawm a, vawiinah pawh an khâr chhunzawm dawn.

MIGLAHSSA general secretary R Lalfakawma chuan Vanglaini palai zawhna chhangin, an thil phût leh chumi vanga sikul an khâr chungchangah Mizoram sorkar hotute aṭangin indawrna an la neih loh thu a sawi.

MIGLAHSSA-ah hian khaw­tlang din leh enkawl higher secondary school pakua an awm a; chung­te chu - Phullen HSS, Farkawn HSS, NE Khawdungsei HSS, East Lungdar HSS, Thingsulthliah HSS, Tuisualral HSS, Zobawk HSS, West Phaileng HSS leh Zawlnuam HSS-te a ni.