Siaha-ah ruihhlo dinhmun sawiho

June 18, Thawhṭanni khan Siaha DC conference hall-ah Mara Thyutlia Py (MTH) buatsaihin Siaha district-a ruihhlo dinhmun sawihona 'Discussion on Drugs Scenario in Siaha district' buatsaih a ni a, Excise & Narcotics secretary KT Beicho-a'n a hmanpui.

Sawihona hi MTP president PP Zalena'n a kaihruai a; KT Beicho chuan, "Ruihhlo hian Mizoram ṭhalaite nunna tam tak a suat tawh a, a la suat mek zel. Siaha district pawh bâng bik loin, district chhunga thingtlang khaw kilkhâwr ber ber pawh ruihhlo hian a rûn mek tawh a ni. Ruihhlo zuartu leh a tite chunga hremna na tak an lekna ram Asia ram tam tak leh Middle East ram tam takah pawh ruihhlo hi a rêm phah chuang lo," a ti.

Session hnihnaah tlawmngai pawl hrang hrang aiawh kal khawmte'n ruihhlo dona kawnga an tawn hriat leh hmathlir hrang hrangte an sawi a; hriat duh hrang hrang an neihte cyhu Excise & Narcotics department hotute'n an chháng a ni.