ATC-in College Day an hmang

Aizawl Theological College (ATC) chuan nimin khan College Day vawi 56-na an lawm a; Rev. Dr Anton Knuth, director, Missionakademie, Hamburg, Germany-in online hmanga hman­puiin, thupui - 'Challenges to the Christian mission in the post Covid-19 global scenario: Aspects from German context,' tih a sawi.

ATC Day hi Synod moderator Rev. Dr C Lal­hlira'n a kaihruai a, ATC principal Rev. Dr Vanlal­nghaka Ralte-in ATC rawngbawlna hrang hrang a sawi. Kum 2020-21 chhunga zirlai ti ṭhate hnenah Synod senior executive secretary Rev. Lianhmingthanga Sailo-in lawmman a sem a, Synod secretary (Sr) Upa Lalrinmuana'n Proficiency Prize leh Church Music Prize a sem bawk.

ATC-ah hian zirtirtu thawk nghet 23 leh contract-a rawih pahnih an awm mek a, office-a thawk mi 16 an awm. Zirlai 171 an awm mek a, BD zirlai 109, M.Th. zirlai 56 leh D.Th. zirlai paruk an ni.