November-ah Covid-19 vei Mi 9,388 hmuh belh tawh
November 18, Ningani khan Mizoramah Covid-19 vei mi 497 hmuh chhuah a ni a, November thla chhungin mi 9,388 hmuh chhuah a ni tawh. Nimin khan hripui vei dam tawh mi 302 chhuahtir an ni a, Covid-19 vangin mi pahnih an thi.
Covid-19 vei Ningania hmuh thar 497-te chu mipa 273 leh hmeichhia 224 an ni a; ZMC laboratory-a hmuh chhuah 48, TrueNAT hmanga hmuh 53, RAT hmanga hmuh 395 leh Fluorescent Immunoassay (FIA) hmanga hmuh pakhat an ni.
IDSP record angin, Mizoramah Covid-19 vei 1,30,912 hmuh chhuah a ni tawh a, mipa 63,389 leh hmeichhia 67,523 an ni. Nimin tlai dar 5 thleng khan mi 1,25,472 (95.84%) chhuahtir an ni tawh a, mi 475 (0.36%) thi tawhin, enkawl mek mi 4,965 (3.80%) an awm.
November 18, Ningania Covid-19 vei hmuh chhuah mi 497 zingah symptom nei mi 213 an awm a, mi 245 chu symptom nei lo niin, dinhmun tarlan loh mi 39 an awm. Covid-19 vei Ningania hmuh chhuah zinga mi 69 chu Khawhaia mi a ni a, swab sample endik rûnpui aṭanga hmuh chhuah an ni. Eklavya School, Serchhipah mi 17 hmuh chhuah a ni bawk.
November 18-a district hrang hranga swab sample endikah Covid-19 positivity rate 10% chung lam district pasarih a awm a, positivity rate san berna Khawzawl district-ah positivity rate 34.25% a ni. Positivity rate 10% chung lam district dangte chu - Serchhip 30.49%, Lunglei 28.13%, Mamit 26.61%, Champhai 17.84%, Kolasib 15.97% leh Hnahthialah 15.87% a ni.
November 2021 chhungin Mizoramah Covid-19 vei mi 9,388 hmuh chhuah a ni tawh a, chawhrualin ni tin mi mi 521.55 hmuh chhuah an awm ang a ni. Mizorama swab sample endik tawh zawng zawngah RT-PCR hmanga endik zat percentage ni tin a tlahniam hret hret zel a, RAT hmanga endik zat a pung zel thung.
November 18, 2021 thlenga swab sample endik tawh 13,92,057 aṭanga RT-PCR hmanga endik zat percentage chu 23.05 a ni a, RAT hmanga endik zat chu 71.03% a tling. Hetih lai hian, sorkar laipui chuan sample endik zawng zawng aṭanga 70% tal RT-PCR hmanga endik turin state leh union territory sorkarte a lo hriattir a ni.
Kum 2011 chhiarpui aṭanga chhûtin, Mizorama Covid-19 vei hmuh tawh 1,30,912 chu mi 1,000 zelah hripui vei mi 119 an awm ang a ni a; mi 1,00,000 zela Covid-19 vangin mi 43 an thi tawh ang a ni. Nimin khan tlai dar 5 thlengin hripui vei dam tawh mi 302 chhuahtir an ni a; Aizawl district-ah mi 122, Champhai district-ah 69, Lunglei district-ah 61, Mamit district-ah 28, Hnahthial district-ah 13, Kolasib district-ah 12 leh Lawngtlai district-ah pasarih an chhuak.
