Tuirial MPF-in by-election an thlir lêt

Tuirial biala Mizoram People Forum (MPF) chuan November 18, Ningani khan Serkhan Presbyterian Kohhran Hall-ah Tuirial bial by-election-a Model Code of Conduct (MCC) kalpui dan an thlir lêt a ni a, district election officer (DEO) Dr H Lalthlangliana'n a hmanpui.

Ṭhutkhawm hi MPF Tuirial Forum-1 president Rev. K Lalengmawia'n a kaihruai a; DEO Dr H Lalthlangliana chuan, buaina leh harsatna awm loa inthlanna neih a nih chhan chu MPF, tlawmngai pawlte leh sorkar inkarah thawhhona a ṭhat vang a nih thu sawiin, "ECI thuchhuak anga silent period rálmuang taka hman a ni a, ram inkaihhruaina ṭha leh felfai a awm theih nana kohhranin theihtawp a chhuah a, a lawmawm tak zet a ni," a ti.

Election officer Vanlalchhuanawma Chawngthu tarlan danin, by-election neih chhung khan MCC bawhchhiat thu ṭum thum an dawng a, vantlang hmuna thil tàr lak thlak 104 a awm bakah, Rs 5,12,498 man zu man a ni.

Thlir letnaah hian inthlanna felfai a awm theih nana DEO pisa leh MPF-te thawhho chhunzawm dan tur an sawihona nghal bawk a; MPF Constituency Forum I leh II hruaitu te, returning officer, nodal officer flying squad leh sector magistrate-te an tel a ni.