Ei tur thianghlim chungchang zirho

Food Safety Authority, Mizoram chuan nimin khan Aijal Club-ah ni thum awh tur Food Safety Super­visor Training an buat­saih a, Health secre­tary Lalrinliana Fanai-in a hmanpui.

Meeting-a tarlan dan-in, Food Safety & Stan­dard Act, 2006-in a phût angin, ei leh in siamna leh zawrhna licence nei zawng zawngte'n ei tur thianghlim siam a, an zawrh a nih theih nan training an nei ngei tur tih a ni. Chumi tihhlawhtlinna atan chuan FSSAI-in kum 2017-ah Food Safety Training & Certificate Programme (FoSTaC) a duang a, state tinah training buatsaih tura tih niin, training pe tur hian FSSAI-in mithiam thlan sa an nei a ni.

FosTaC training hi Mizoramah chuan a vawi khatna atan June 20-21 chhungin hotel, restaurant, catering leh canteen-te tan training buatsaih a ni a; June 22-ah bakery-te tan buatsaih leh a ni ang. Training-a telte chu certificate pek vek tur a ni a, hun lo la kal zel turah chuan FoSTac training nei lo tan food business a tih theih tawh dawn loh a ni.