Minister-in Mizo 3rd IR sipaite a tlawh

Minister of state Lalchhandama Ralte chuan nimin khan Mangaldoi-a Mizo 3rd IR Battalion-te awmna hmun a tlawh a, 3rd IR Christian Fellowship inkhawm a hmanpui bakah, camp chhung hmun hrang hrang a fang kual a, 3rd IR-te Krismas hmanna atan pawisa a hlân nghal.

Lalchhandama Ralte chuan, Mizo 3rd IR battalion-te an awmna hmuna thil ṭha tia an luang chhuak ṭhin chu lawmawm a tih thu sawiin, an awm chhan ang taka duty ṭha taka hlen turin a chah a; hnam dang zinga khawsa an nih angin missionary rawngbawlna anga ngaia hna thawk turin a fuih.

Minister Lalchhan­dama Ralte hi School Education secretary Dr Lalzirmawia Chhangte, Pachhunga University College principal Prof. Lalthanzara, Samagra Shiksha state project director Lalhmachhuana leh Guwahati Mizoram House-a deputy resident commissioner Dr Malsawmtluanga Fanchun ten an ṭawiawm a; 3rd IR commandant B Laldikpuia leh hotu dangte'n an lo dawngsawng a ni.