Covid-19 vangin mi 477 thi tawh

Nimin khan tlai dar 5 thlengin Covid-19 vangin mi pakhat a thi a, November 20, Inrinni khan mi pakhat a thi bawk. Nimin tlai dar 5 thlengin Mizoramah Covid-19 vangin mi 477 an thi tawh a, November thla bikah mi 45 an thi tawh.

Lalengmawia Sailo (82), Champhai Venglai chu November 20, Inrinni tlai dar 6:30 khan hripui vangin Champhai District Hospital (DCHC)-ah a thi a; Covid-19 vei a ni tih November 9, 2021 khan hmuh chhuah a ni a, natna dang nei tel a ni.

Nimin zing dar 5:37 khan Rev. Vanuk (77), Halkha, Myanmar, tuna Lawngtlaia khawsa mek chu Covid-19 vangin Lawngtlai District Hospital (DCHC)-ah a thi a; Covid-19 positive a ni tih November 12, 2021 khan finfiah a ni.