MYC Chairman-in Nagaland hotute a kâwm

Nagaland-a Task Force for Music & Arts (TaFMA)-in Nagaland Governor leh Chief Minister puala Kohima-a musical event a buatsaihah Mizoram Youth Commission (MYC) chairman Dr Vanlalṭanpuia, MLA chu a tel a, Nagaland sorkar hotute nen an inkâwm.

Dr Vanlalṭanpuia chuan, Mizo ṭhalaite tana Nagaland TaFMA-in kawng a sialpui chu lawmawm a tih thu leh nasa zawka thawhho ṭul a tih thu a sawi a; Nagaland chief minister Neiphiu Rio chuan, TaFMA leh MYC an thawkho thei chu lawmawm a tih thu leh MYC tan an inhawn thute a lo hrilh.

TaFMA hotute chuan, MYC Chairman-te nen November thlaa Perhkhuang 2021, Aizawl neih ṭuma an sawiho tawh angin, December 1-10, 2021 chhunga Hornbill Festival neih turah Perkhuanga winner pangate leh Mizo ṭhalaite tan minute 40 hun pek a nih dawn thu an sawi a; kum thar lama TaFMA-in India ram páwna platform an neih ṭhenkhat pawh MYC an kian thei tih an sawi bawk.