Hmalakna hrang hrang thlir lêt

Mamit District Develop­ment Coordination & Moni­toring Committee (DISHA) chu June 19, Thawhlehni khan an chairman CL Ruala, Lok Sabha MP hoin DC conference hall-ah an ṭhukhawm a, sorkar laipui scheme hnuaia hmalakna hrang hrang an thlir lêt.

Meeting-a tarlan danin, MGNREGA hnuaiah Empowerment Committee-in ni 79 inhlawhna tur a sanction aṭangin April lweh May thlaah ni 14 ve ve inhlawhna siam a ni a, June thla chhungin ni 6 inhlawhna siam leh tura inbuatsaih mek a ni.

Swachh Bharat Mission (Gramin) hnuaia PHE depart­ment-in Individual Household Latrine (IHHL) 3,497 an sa tawh a, DRDA nen ṭangkawpin (convergence) êk-in 430 sa tawhin, IHHL nen a vaia en-in an sak tawh chu 3,927 a tling.

Solid & Liquid Waste Management (SLWM) hnuaiah bawlhhlawh sawngbawlna Kawrthah khuaah sak zawh tawh a ni a, khaw dang pangaah sak mek a ni. Community Sanitary Complex (CSC) hnuaiah vantlang inthiarna Darlak bazar leh Dapchhuah bazarah sak zawh a ni tawh a, hmun dang pasarihah sak mek a ni bawk.

Prime Minister Em­ployment Generation Prog­ramme (PMEGP) hnuaia District Industries Centre hmalaknain dilna lut 26 aṭangin 22 thlan (recommend) a ni a, chung zinga 10 chu PMEGP loan pek an ni tawh.

Meeting-ah hian Mamit district chhunga MLA pahnih - John Rotluangliana leh Lalrobiaka te pawh an tel a ni.