PRISM-in municipal din ṭha an ti

PRISM party chuan thuchhuah siamin, district khawpui hrang hranga municipal din tura ruahmanna awm chu ṭha an tih thu an tarlang a, "Thu­neihna nei tak tak ngeia din ni se kan duh," an ti.

PRISM chuan, khawpui leh thingtlang nun a inan loh avangin inawpna leh enkawlna a hranpaa kaltir a ngai an tih thu sawiin, "Khawpui zawng zawngah municipal din vek ṭul kan tih avangin kan election manifesto-ah pawh kan ziak a. 

Amaherawhchu, municipal din a nih hian thuneihna tak tak pek an nih loh a, mipui thlan an nih bawk si loh chuan inawp leh inenkawlnaah harsatna tam tak a awm ṭhin," an ti a; district khawpuia municipal din turte leh Aizawl Municipal Corporation-te chu thuneihna tak tak pek ni se an duh thu an tarlang a ni.