MNF-in Aizawlah theihtawpa hmalak an rel

MNF party elected office bearer te, MLA-te leh AMC councillor-te chu nimin khan Mizo Hnam Runah MNF president Zoramthanga kaihhruaiin an ṭhukhawm a; Aizawl khawpui enkawlnaah, khawpui hmasawnna nasa lehzual ruahmanna siama theihtawpa hmalak chhunzawm an rêl.

MNF hotute ṭhu­khawm hian Aizawl Municipal Corporation (AMC)-in Aizawl khaw­pui an enkawl dan leh an hnathawhte an thlirho a; hna thawh tam tak an neih tawhte bakah, nasa zawka Aizawl khawpui enkawlnaah ṭan lak a, Aizawl hmasawnna nasa lehzual ruahmanna siama theihtawpa hmalak chhunzawm ni se, an ti a, "Aizawl khawpui chhunga MNF MLA-te bial chhunga AMC leh MLA-te inlungruala hmalak hoa hna thawh tlan zel ni se," an ti.

Meeting-ah hian, kumina MLA inthlan awm turah Aizawl khawpui chhung MLA bial hrang hrangte dinhmun an thlirho a, Aizawl khawpui chhungah chuan MNF tan bial dinhmun ṭha thawkhat turah an ngai a, Aizawla hlawhtling ber nih theih ngei an inbeisei thu an tarlang a ni.