June 27-28 chhungin Assembly Session

June 27-28, 2018 khian Mizoram Legis­lative Assembly Session neih a ni dawn a, Assem­bly speaker Hiphei ho­in Business Advisory Committee-in June 20, Nilaini khan session prog­ramme an duang.

Session-a hun hman dan tur an duan dan chuan, Assembly Session hi June 27 chawhma dar 10:30-ah ṭan tur a ni a; Mizoram union territory a nih laia deputy minister lo ni tawh PB Nikhuma, April 11, 2018-a thi sûnna hun hman a ni ang a, chumi hnuah sorkar bill leh sorkar resolution-te ngaihtuah a ni ang.

Ni hnih awh Assembly Session neih turah hian Mizoram sorkar leh HPC (D)-te inremna thuthlung tihpuitlinna turin, Sinlung Hills Council dinna tur Bill put luha pass tum a ni dawn. Sorkar laipuiin Citizenship (Amendment) Bill, 2016 pass a tum duh loh lantirna tur resolution Home department aṭangin a luh beisei a ni.

Home department aṭang vekin Mizoram leh Bangladesh inrìnaa ramri hung hna thawh­naah Mizoramin ram zau tak a hloh mek chung­changa lungawi lohna sorkar laipui hriattirna tur resolution a luh rin a ni a; Finance department-in sorkar leibá a ṭhìnna tur dan khauh zawka siamna tur Public Demand Reco­very Amendment Bill, 2018 pawh ngaihtuah a nih beisei a ni bawk.