EVM chungchang zirna buatsaih

Election Commission of India (ECI) hmalaknain Election department chuan nimin khan NLUP conference hall-ah district tina DC-te leh Election officer-te tan electronic voting machine (EVM) leh voter verifiable paper audit trail (VVPAT) first level checking chungchang zirhona an buatsaih.

Training hi Joint CEO Zorammuana'n a kaihruai a; chief electoral officer (CEO) SB Shashank chuan, "Inthlan kaihhnawih thila training hi official takin vawiin aṭangin ṭan a ni a, training a awm chho mawp mawp tawh dawn. Election Commission of India (ECI) inkaihhruaina felfai tak angin training leh workshop-te neih chhunzawm a ni ang," a ti a, official-te chu inthlahdah lo turin a chah.

Worshop-ah hian ECI official-te leh EVM leh VVPAT khawl siamtu company, Electronic Corporation of India Ltd. (ECIL) hotute'n EVM chung­chang an sawifiah a ni.