Dan zâwm lote'n home/centre an enkawl thei tawh dawn lo
Mizoram sorkar chuan Mizoram Drug (Controlled Substances) Act, 2016 dan hnuaia Section 42(1) tlawhchhanin ruihlo ngaite enkawlna hmun (home/centre) siamtute'n an zawm ngei tur thupek an chhuah. Thupek ang chuan, dan zâwm lote chuan home/centre an enkawl thei tawh dawn lo.
Mizoram sorkar tarlan danin, ruihhlo ngaite enkawlna hmun enkawltute chuan Social Welfare department hnen aṭangin certificate of accredita-tion an nei tur a ni. Centre enkawl dan tur siam anga hmalak tur a ni a, inkaihhruaina dan sorkarin a siam chu a ṭul dan anga tihdanglam a la ni dawn.
Dan ding lai leh dan la siam belh tur zawng zawng chu ruihlo ngaite enkawlna hmun siamtute'n an zawm vek tur a ni a; dan zâwm lote chuan home/centre an enkawl chhunzawm thei tawh dawn lo a ni.