ZPM Economic Strategy sawiho

Nimin khan MIzoram University-a Geography departjment chuan MZU-ah Zoram Peoples' Movement (ZPM) Economic Strategy sawihona hun an buatsaih a, ZPM chief ministerial candidate Lalduhoma'n a hmanpui.

Lalduhoma chuan, economic policy chu khaw­tlang nun siamṭhatna tur a nih thu sawiin, "Kan sum lak luhna hi mipuiin min pawmpui tlak a ni tur a ni. Chuvang­in, ZPM chuan mipui vantlang hmasawnna kan ngaihtuah rualin, kan hnam zia leh khaw­tlang nunphung kan ngai pawimawh dawn," a ti.

ZPM CM Candidate chuan, ZPM-in sorkarna siam mah se, an tum ram an thleng tihna a nih dawn lo tih sawiin, "Kan ram, kan hnam leh kan sakhua a him a, kan zavai ṭhat tlanna a thlen chauhin kan goal a hlawhtling kan ti dawn a ni," a ti a; Mizoram hnufualna te, manganna te, beidawnna zawng zawngte a reh hunah ZPM chuan hlawhtlingah an inngaih dawn thu a sawi.